Қашқадарё вилояти ИИБ ахборот хизмати тармоқларда «Фарзанди кўз олдида хўрланган аёл» сарлавҳаси остида тарқалган видеотасвирга муносабат билдирди.
2019 йил 26 июнь куни тунги соат 02:00 ларда Яккабоғ тумани «Чинобод» маҳалла фуқаролар йиғини Шаманқирғиз қишлоғида яшовчи, 1980 йилда туғилган Собир Очилов спиртли ичимлик истеъмол қилиб, жамиятда юриш-туриш қоидаларини қасддан менсимасдан ҳеч бир сабабсиз қўшниси Шарофат Очилованинг яшаш уйига кирган.
Уй ҳовлисидаги ўрнатилган сўрида икки нафар фарзанди билан ухлаб ётган Шарофат Очилованинг олдига бориб, уни ҳақорат қилиб, танасининг турли жойларига бир неча маротаба қасддан уриб, унга соғлиқнинг қисқа муддатга ёмонлашувига олиб келмаган енгил шикаст етказиб, ҳодиса содир бўлган жойдан яширинган.
Тайинланган судга оид тиббиёт экспертизасининг 2019 йил 2 июлдаги хулосасида Шарофат Очиловада юзининг ўнг томон пастки жағ бурчак соҳасида, юзининг чап ёноқ соҳасида шилинма, чап қулоқ супраси олд юзасида, бўйиннинг олд юзаси пастки қисмида қонталашлар кўринишидаги жароҳатлари мавжуд бўлиб, оғирлик даражасига кўра, соғлиқни қисқа муддатга ёмонлашувига олиб келмаган енгил тан шикасти гуруҳига киритилиши кўрсатилган.
Мазкур ҳолат Яккабоғ тумани ИИБда 29 июнь куни қайд этилган.
Мазкур ҳолат юзасидан дастлаб Яккабоғ туман ИИБ ҲПБ ТП профилактика инспектори катта лейтенант Ш.Мардонов томонидан терговга қадар текширув ҳаракатлари олиб борилиб, тўпланган ҳужжатлар бўйича 8 июль куни жиноят ишини қўзғатишни рад қилиб, фуқаро Собир Очиловга нисбатан Маъмурий жавобгарлик тўғрисидаги кодекснинг тегишли моддалари бўйича маъмурий чора кўриш учун тўпланган ҳужжатлар Яккабоғ тумани маъмурий судига юборилган.
Яккабоғ туман маъмурий судининг 16 июлдаги ажримига асосан тўпланган ҳужжатлар фуқаро Собир Очиловни ҳаракатларида Жиноят кодексининг 277-моддаси 1-қисмида кўрсатилган жиноят аломатлари мавжудлиги кўрсатилиб, қўшимча терговга қадар текширув ҳаракатларини олиб бориш учун туман ИИБга қайтарилган.
Мазкур ҳолат юзасидан Яккабоғ тумани ИИБ ҳузуридаги Тергов бўлими терговчиси капитан Д.С.Поёнов томонидан терговга қадар текширув ҳаракатлари олиб борилиб, 3 ноябрь куни фуқаро Собир Очиловга нисбатан Жиноят кодексининг 277-моддаси 1-қисми (Безорилик) билан жиноят иши қўзғатилган.
Жиноят иши бўйича фуқаро Шарофат Очилова жабрланувчи деб топилган.
Жиноят иши бўйича 2019 йил 11 декабрда фуқаро Собир Очилов айбланувчи тариқасида ишда иштирок этишга жалб қилиниб, унга Жиноят кодексининг 277-моддаси 2-қисми «г» банди билан айблов эълон қилинган ва жиноят иши 12 декабрдаги айблов хулосаси билан Жиноят-процессуал кодексининг 381-моддаси (Жиноят ишининг прокурорга юборилиши) тартибида суд муҳокамасига юборилган.
Изоҳ (0)