30 январь куни соат 11:40 да «Янги Ангрен» иссиқлик электр станцияси (ИЭС)да электр энергиясини ишлаб чиқаришга мўлжалланган 4-сонли энергоблокда носозлик юзага келиши натижасида 170 мегаватт қувват билан тўхтатилган.
Шу вақтда қозон агрегатининг том қисмида ёнғин юзага келиб станциянинг тезкор ходимлари томонидан бирламчи ўт ўчириш воситалари қўлланилган ва ўт ўчириш бригадаси жалб қилинган. Соат 14:00 да ёнғин бартараф этилган.
«Жабрланганлар мавжуд эмас», — дея хабар бермоқда Энергетика вазирлиги матбуот хизмати.
Айни пайтда энергоблок таъмирга чиқарилган ва носозликни бартараф этиш чоралари кўрилмоқда. Мазкур ҳолатни ўрганиш юзасидан махсус комиссия ташкил қилинган. Айни пайтда мазкур станциянинг учта энергоблоки жами 580 мегаватт қувват билан ишламоқда.
«Шу муносабат билан, истеъмолчиларга шуни маълум қиламизки, Ўзбекистоннинг айрим ҳудудларида электр таъминотида маълум вақт оралиғида узилишлар кузатилмоқда. Таъмирлаш ишлари қисқа фурсатларда якунланиб, электр энергияси таъминоти яхшиланиши таъминланади», — дейилади расмий ахборотда.
Юқоридагилардан келиб чиқиб, Энергетика вазирлиги истеъмолчилардан келтирилган ноқулайликлар учун узр сўраган.
Изоҳ (0)