Boeing компанияси 2019 йилда 636 миллион доллар миқдорида зарар кўрди. Бу ҳақда компания ҳисоботида маълум қилинган, деб ёзмоқда Meduza.
Қайд этилишича, бу Boeing компаниясининг 1997 йилдан бери қайд этилган биринчи йиллик зарари ҳисобланади.
Компания ҳисоботига кўра, 2019 йилнинг тўртинчи чорагида асосий фаолиятдаги қайд этилган йўқотиш 737 МАХ самолётларининг ҳалокатлари таъсирини акс эттиради.
Boeing ҳисоб-китобларига кўра, икки самолётнинг ҳалокати компания учун қарийб 18 миллиард долларга тушади. Бунда мазкур самолётларнинг ишлаб чиқарилиши тўхтатилгани сабабли уларни ола олмайдиган буюртмачиларнинг компенсация тўловлари ҳам ҳисобга олинган.
Эслатиб ўтамиз, 2019 йилнинг 10 март куни Ethiopian Airlines авиакомпаниясининг Кенияга учаётган Boeing 737-800 МАХ самолёти ҳалокатга учраши оқибатида бортда бўлган 149 нафар йўловчи, шунингдек, саккиз нафар экипаж аъзоси ҳалок бўлган. 2018 йилнинг 29 ноябрь куни Lion Air авиакомпаниясининг Boeing 737 йўловчи самолёти Жакарта аэопортидан ҳаво кўтарилганидан кўп ўтмай ҳалокатга учраб, денгизга қулаган. Самолёт бортида 189 киши бўлган. Шулардан 181 нафари йўловчи, 2 нафар учувчи ҳамда 6 нафар экипаж аъзоси. Уларнинг барчаси ҳалок бўлган.
Изоҳ (0)