Бугун, 29 январь куни дунёнинг турли бурчакларида олинган энг қизиқарли суратлар жамланмасини тақдим этамиз.
Дубай, БАА
БААда илк коронавирус билан касалланиш ҳолати қайд этилди. Касаллик Хитойнинг Ухань шаҳридан қайтган оилада аниқланган.
Вашингтон, АҚШ
АҚШ президенти Дональд Трамп Оқ уйда Яқин Шарқдаги вазиятни барқарорлаштириш режасини тақдим этаётган вақтида Исроил бош вазири Биньямин Нетаньяхуга кўз қисиб қўймоқда.
Сринагар, Ҳиндистон
Қор ёғгач идиш-товоқларни юваётган аёл.
Пекин, Хитой
Ниқоб ва жилет кийиб олган эркак Тянцзяин қишлоғига бегоналар киришининг олдини олиш учун машинани тўхтатмоқда.
Гамбург, Германия
Гамбургдаги «Паноптикум» музейида экофаол Грета Тунбергнинг мумдан ясалган ҳайкали ўрнатилди.
Сано, Яман
Ҳайвонот боғининг ҳайвон ўргатувчиси Яманнинг собиқ президенти Али Абдуллоҳ Солиҳга тегишли бўлган шер билан машғулот ўтказмоқда.
Анкориж, Аляска
Хитойнинг Ухань шаҳридан эвакуация қилинган америкалик дипломатлар ва фуқароларни олиб келган самолёт Аляскадаги аэропортга ёқилғи қуйиш учун қўнди.
Триполи, Ливия
Триполидаги Ҳадба Ал-Бадри туманига снаряд тушгач томи тешилиб қолган уйлардан бири.
Иордан дарёсининг ғарбий қирғоғи, Фаластин
Фаластинлик эркак телевизор орқали Яқин Шарқдаги вазиятни барқарорлаштириш режасини тақдим этаётган Дональд Трампнинг оғзини оёқ кийими билан «ёпиш»га уринмоқда.
Ухань, Хитой
Коронавирус тарқалиши бошлангач бўшаб қолган Ухань шаҳри кўчалари.
Бағдод, Ироқ
Ҳукуматга қарши намойиш қатнашчилари полициядан қочмоқда.
Берлин, Германия
Ҳайвонот боғида Мэн Мэн исмли панда ўзининг беш ойлик боласи Пол билан. 2019 йилнинг августида Германияда илк марта панда болалари туғилганди. Эгизакларнинг онаси Мэн Мэн ва отаси Сзяо Син 2017 йилда Хитойдан Берлин ҳайвонот боғига олиб келинганди.
Шарқий Суматра, Индонезия
Индонезия фуқароси сув устидан ҳаракатланмоқда. Индонезиянинг бу қисмида тинимсиз ёққан ёмғирлар туфайли тошқинлар ва кўчкилар юзага келиб, бир неча кишининг ўлимига олиб келди.
Иордан дарёсининг ғарбий қирғоғи, Фаластин
Дональд Трампнинг Яқин Шарқдаги вазиятни барқарорлаштириш режаси намойишларга олиб келди.
Ухань, Хитой
Ҳимоя ниқоби тақиб олган Хитой бош вазири Ли Кэцян коронавирус билан касалланган беморларни даволаётган докторлар билан суҳбатлашмоқда. Дарвоқе, Ўзбекистон бош вазири Абдулла Арипов ҳам коронавирус бўйича йиғилиш ўтказди.
Мадрид, Испания
Модалар ҳафталигида Maison Mesa коллекциясини намойиш қилаётган модель.
Аҳмадобод, Ҳиндистон
Қуруқ меваларни сотиш учун жойлаётган аёл. Бу ҳудудда фуқаролик тўғрисидаги янги қонун туфайли кўплаб дўкондорлар норозилик белгиси сифатида дўконларини ёпиб қўйган.
Найроби, Кения
Жомо Кенятта аэропортида Хитойдан учиб келган йўловчилар коронавирусга қарши текширув олдидан навбатда турибди.
Марсель, Франция
Пенсия ислоҳотига қарши намойиш иштирокчиси.
Оаҳу, Гавайи
Бразилиялик сёрфер сёрфинг бўйича мусобақа олдидан ўтказилаётган машғулот вақтида.
Амман, Иордания
Ал-Башир шифохонасининг махсус бўлими ходимлари ҳимоя воситаларини киймоқда. Ушбу бўлим коронавирус билан касалланганлар ва касалланишда гумон қилинганларни қабул қилишга мўлжалланган.
Изоҳ (0)