8 январь куни Эрон томонидан АҚШнинг Ироқдаги ҳарбий базаларига уюштирилган ракета зарбалари оқибатида жабрланганлар сони 50 кишига етгани маълум бўлди. Бу ҳақда Пентагон расмий вакили полковник Томас Кэмпбеллга таяниб, «Коммерсантъ» хабар берди.
Дастлаб Америка ҳукумати ракета зарбалари оқибатида ҳеч ким жароҳат олмагани ҳақида хабар қилганди. Кейинроқ АҚШ Мудофаа вазирлиги 11 киши жароҳатланганини эълон қилди. 24 январь куни эса уларнинг сони 34 кишига етди.
«Ҳозирда америкалик ҳарбий хизматчиларнинг 50 нафарига мия-бош жароҳати ташхиси қўйилган», — дейди Кэмпбелл. У мазкур рақамлар ҳали ўзгариши мумкинлигини айтган.
Мавзуга доир:
Изоҳ (0)