Хитой—Ўзбекистон авиапарвозларига талаб 5 баравар ошди

Сўнгги ҳафтада Хитойдан Ўзбекистонга авиапарвозларга бўлган талаб 5 баравар ошди, деб хабар бермоқда Aviasales.

Туристик қидирув хизмати таҳлилчилари Ўзбекистон—Хитой ва Хитой—Ўзбекистон йўналиши бўйича авиачипталарнинг олдиндан буюртма қилинишини ўрганиб чиқди. Ўрганиш натижаларида Хитойга бўлган талаб 3 баробар пасайгани, Ўзбекистон йўналишига бўлган талаб эса аксинча, 5 марта ошгани аниқланган.

Қайд этилишича, Хитой ўзбекистонликлар энг кўп борадиган мамлакатлардан биридир. Декабрь ойида бу мамлакат Жанубий Корея ва БААдан сўнг 8-ўринни эгаллаган бўлса, январь ойига келиб 11-ўринга тушган.

Шу билан бирга, мутахассислар Хитой—Ўзбекистон рейсларига бўлган талаб 5 марта ошганини қайд этган. Авичипталар Шанхай, Пекин, Урумчи ва Нанчан каби шаҳарлардан энг кўп брон қилинган.

Аввалроқ Ўзбекистон коронавирус туфайли хитойлик сайёҳларнинг бир қисмини йўқотиши мумкинлиги хабар берилган эди.