Жамшид Қўчқоров инфляцияни «биринчи рақамли муаммо» деб атади

Ўзбекистоннинг асосий муаммоси — бу юқори инфляциядир. Бу ҳақда Ўзбекистон бош вазири ўринбосари — молия вазири Жамшид Қўчқоров Халқаро пресс-клуб сессиясида маълум қилди, деб ёзади «Gazeta.uz».

«Ростини айтадиган бўлсак, инфляция — бу биринчи рақамли муаммо. Мен иқтисодчи сифатида унинг сабабларини асослаш учун бир неча далилларни келтира оламан, бироқ мен бир нарсани айтган бўлардим: сўнгги икки йил ичида юқори инфляциянинг сабаблари, бу 100 фоиз бўлиши керак бўлган сабаблар. Бу дон ва пахта, ёқилғи-мойлаш материаллари нархининг ошиши, ‘инвестицион ташналик’ туфайли катта кредитлар ажратилиши, ижтимоий соҳадаги кўплаб муаммолар туфайли бюджетдан катта миқдорда маблағ сарфлашдир», — дейди молия вазири.

Молия вазирлиги раҳбари ҳукумат ижтимоий соҳада тўпланган муаммоларни ҳал қилиш учун юқори инфляцияга «дош беришга» қарор қилганини айтиб ўтди.

«Агар тарозининг бир палласига 15 фоизлик инфляция, иккинчисига юқоридаги муаммолар ечимини қўядиган бўлсак, биз мана шу 15 фоизлик инфляцияга дош беришга қарор қилдик. Яна бир марта айтаман, бу биринчи рақамли муаммо, биз уни бартараф этиш йўлида ишлашда давом этамиз. Олдиндан айтаман, инфляция 2020 йилда кескин 10,9, 8 ёки 7 фоизга тушиб кетмайди. Бунинг  илои йўқ. Буни очиқ тан олиш керак», — дейди вазир.

Жамшид Қўчқоров, шунингдек, давлат дон буюртмасини бекор қилиш режалари ва «давлат буюртмаси» белгилари ҳақида гапирди.

«Давлат буюртмаси фармонлар билан белгиланган тўртта асосий хусусиятга эга: ажратилган ер участкасининг ҳажмини аниқлаш, нархларни аниқлаш, ҳажмларни аниқлаш, маҳсулотни сотиб олувчининг таърифи. Агар нархлар таърифи бекор қилинса, мен буғдой етиштирадиган деҳқон бўлсам, донни фонд биржасига жойлаштираман, нарх 2 миллион сўм бўлади. Нархларга таъсир қиладими? Бу таъсир қилади», — дейди бош вазир ўринбосари.

Жамшид Қўчқоровниинг таъкидлашича, давлат харажатлари устидан қаттиқ назорат ўрнатилиши ҳамда ўрнатилган фискал камомадни сақлаб қолиш, иқтисодиётнинг етарли даражада ўсиши учун кредитларнинг ўсишини таъминлаш инфляция ва валюта курсига бўладиган босимнинг олдини олади.