Xitoy—O‘zbekiston aviaparvozlariga talab 5 baravar oshdi

So‘nggi haftada Xitoydan O‘zbekistonga aviaparvozlarga bo‘lgan talab 5 baravar oshdi, deb xabar bermoqda Aviasales.

Turistik qidiruv xizmati tahlilchilari O‘zbekiston—Xitoy va Xitoy—O‘zbekiston yo‘nalishi bo‘yicha aviachiptalarning oldindan buyurtma qilinishini o‘rganib chiqdi. O‘rganish natijalarida Xitoyga bo‘lgan talab 3 barobar pasaygani, O‘zbekiston yo‘nalishiga bo‘lgan talab esa aksincha, 5 marta oshgani aniqlangan.

Qayd etilishicha, Xitoy o‘zbekistonliklar eng ko‘p boradigan mamlakatlardan biridir. Dekabr oyida bu mamlakat Janubiy Koreya va BAAdan so‘ng 8-o‘rinni egallagan bo‘lsa, yanvar oyiga kelib 11-o‘ringa tushgan.

Shu bilan birga, mutaxassislar Xitoy—O‘zbekiston reyslariga bo‘lgan talab 5 marta oshganini qayd etgan. Avichiptalar Shanxay, Pekin, Urumchi va Nanchan kabi shaharlardan eng ko‘p bron qilingan.

Avvalroq O‘zbekiston koronavirus tufayli xitoylik sayyohlarning bir qismini yo‘qotishi mumkinligi xabar berilgan edi.