Дортмунднинг «Боруссия» клуби Бундеслига 19-тури доирасида «Кёльн»ни 5:1 ҳисобида таслим этди.
Учрашувнинг иккинчи бўлимида захирадан майдонга тушган 19 ёшли Эрлинг Ҳоланд дублга эришди. Қишки трансферлар вақтида «Зальцбург» клубидан 20 миллион евро эвазига харид қилинган норвегиялик ҳужумчи Бундеслигадаги дастлабки иккита ўйинида бешта гол уришга эришди.
Натижада у рекорд ўрнатди. Бундеслигада ҳеч бир футболчи дастлабки икки ўйинида бундай натижа қайд этмаганди. Таъкидлаш жоиз, Ҳоланд иккала ўйинда ҳам захирадан майдонга тушди. Унинг бешта гол уриши учун эса 60 дақиқа етарли бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)