Ўзбекистон олимпия терма жамоаси 25 январь, шанба куни Осиё Чемпионати—2020 мусобақасининг учинчи ўрин учун баҳсида Австралия билан баҳс юритди.
Учрашувнинг биринчи бўлими тўлиқ Любинко Друлович шогирдлари устунлигида ўтди. Бироқ танаффусга қадар ҳисоб ўзгармади. Иккинчи бўлимнинг дастлабки дақиқаларида Николас Д'Агостино бир неча ҳимоячиларни ортда қолдирган ҳолда Абдувоҳид Неъматов дарвозасини ишғол қилди.
Бундан ташқари 59-дақиқада захирадан майдонга қўшилганига кўп вақт бўлмаган Ойбек Бозоров майдон марказида рақибига нисбатан қўполлик ишлатди ва тўғридан-тўғри қизил карточкага лойиқ кўрилди.
Шу тариқа Австралия олимпия терма жамоаси Токио—2020 Олимпиадасига йўлланмани қўлга киритди. Ўзбекистон эса ортга қуруқ қўл билан қайтадиган бўлди.
ОЧ—2020 U-23
Учинчи ўрин учун баҳс
25 январь, шанба
Австралия — Ўзбекистон 1:0
Гол: 1:0 — 47 Д'АгостиноЎзбекистон: Абдувоҳид Неъматов, Илҳом Алижонов (Достон Иброҳимов, 75), Ҳусниддин Алиқулов, Ислом Қобилов, Ҳожиакбар Алижонов, Азиз Ғаниев, Абдулла Абдуллаев, Нурилло Тўхтасинов (Ойбек Бозоров, 53), Жасур Яхшибоев, Бобур Абдуҳолиқов, Миржаҳон Мираҳмадов (Шароф Муҳитдинов).
Австралия: Томас Гловер, Алекс Герсбах, Дилан Райан, Тасс Мордоукоутас, Рами Нажжарине, Зак Данкан, Рено Пископо, Томас Денг, Николас Д'Агостино, Kiaну Баккус, Даниэль Боуман.
Четлатиш: Ойбек Бозоров (59)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)