23 январь, пайшанба куни соат 03:30 да Қашқадарё вилояти Фавқулодда вазиятлар бошқармаси навбатчилик қисмига Қарши шаҳридаги «Шодлик» маҳалласида жойлашган кўп қаватли уйда ёнғин содир бўлаётганлиги тўғрисидаги маълумот келиб тушди. Бу ҳақда Фавқулодда вазиятлар вазирлиги матбуот хизмати маълум қилди.
Мазкур бинода истиқомат қилувчи фуқаро қўшнисининг уйидан тутун чиқаётганлигини маълум қилган.
Мурожаат юзасидан вилоят Фавқулодда вазиятлар бошқармаси ва туман ёнғин-қутқарув гуруҳлари соат 03:36 да етиб бориб, ёнғин соат 03:39 да тўлиқ бартараф этилган.
Қутқарув жараёнида уй эгаси П.Т. тутундан заҳарланиши оқибатида ҳушсиз ҳолатда аниқланган ва хавфсиз ҳудудга олиб чиқилиб, биринчи тиббий ёрдам кўрсатилган.
Изоҳ (0)