Президент Шавкат Мирзиёев «Ўзбекистон Республикаси Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида»ги қарорни имзолади, деб хабар бермоқда «Kun.uz».
Ҳужжат билан Вазирлар Маҳкамаси ижро этувчи тузилмасида қуйидагилар тугатилди:
- Ўзбекистон бош вазирининг биринчи ўринбосари — транспорт вазири лавозими;
- Бош вазирнинг ижтимоий ривожлантириш масалалари бўйича ўринбосари лавозими;
- Бош вазирнинг ёқилғи-энергетика соҳаси ва саноатнинг базавий тармоқларини ривожлантириш масалалари бўйича маслаҳатчиси лавозими;
- Ҳудудларни комплекс ривожлантириш, коммуникациялар ва мудофаа саноати масалалари котибияти;
- Инвестициялар ва ташқи иқтисодий алоқалар масалалари котибияти;
- Ижтимоий ривожлантириш масалалари котибияти;
- Ёқилғи-энергетика соҳаси ва саноатнинг базавий тармоқларини ривожлантириш масалалари котибияти;
- Қишлоқ хўжалиги машинасозлигини, янги мева-сабзавот маҳсулотлари етиштириш ва қайта ишлашнинг экспорт салоҳиятини ривожлантириш масалалари котибияти.
Ушбу тузилмада қуйидагилар ташкил этилди:
- Давлат активларини бошқариш, саноатни ва рақобатни ривожлантириш масалалари котибияти;
- Ҳудудларни комплекс ривожлантириш, коммуникациялар, қурилиш ва уй-жой коммунал хўжалиги масалалари котибияти;
- Инвестициялар, экспортни қўллаб-қувватлаш ва ташқи иқтисодий алоқалар масалалари котибияти;
- Таълим ва соғлиқни сақлаш масалалари котибияти;
- Спорт ва туризмни ривожлантириш масалалари котибияти;
- Ёқилғи-энергетика ва кимё саноатини ривожлантириш масалалари котибияти;
- Қишлоқ хўжалиги машинасозлигини ривожлантириш масалалари котибияти.
Ўзбекистоннинг бош вазирига ўрта ва узоқ муддатга мўлжалланган устувор вазифаларни ҳал қилишнинг муҳимлиги ва натижадорлигини ҳисобга олган ҳолда, зарурат бўлганда, Вазирлар Маҳкамаси ходимларининг умумий штатлари сони доирасида унинг ижро этувчи тузилмасига ўзгартиришлар киритиш ҳуқуқи берилди.
Шунингдек, қўшимча 6 нафар бошқарув ходимлари штат бирликлари Жисмоний тарбия ва спорт вазирлиги тизимида штат бирлигини 2 нафарга, Соғлиқни сақлаш вазирлиги тизимида 2 нафарга ва Адлия вазирлиги тизимида 2 нафарга қисқартириш ҳисобидан ҳамда қўшимча 7 нафар бошқарув ходимлари штат бирликлари давлат бюджети маблағлари ҳисобидан ажратилиши белгиланди.
Изоҳ (0)