Россиянинг Нижегород вилояти Володарск тумани ҳудудидаги М-7 Москва—Нижний Новгород трассасида 22 январь, чоршанба куни микроавтобус иштирокида ЙТҲ юз берди.
Ўзбекистоннинг Қозон шаҳридаги Бош консулхонаси берган маълумотларга таяниб ТИВ матбуот хизматининг хабар беришича, ҳодиса оқибатда мазкур автотранспорт ҳайдовчиси, Ўзбекистон фуқароси Б.Х. олган тан жароҳатлари натижасида воқеа жойида вафот этган.
Шу куни Челябинск вилояти ҳудудидаги Челябинск—Троицк автомобиль йўлида енгил автомашинанинг юк автомашинаси билан тўқнашиши содир бўлган. Ўзбекистоннинг Екатеринбург шаҳридаги Бош консулхонасининг хабар қилишича, ЙТҲ оқибатида енгил автомобилнинг ҳайдовчиси ва барча йўловчилари, жумладан, Ўзбекистон фуқароси В.П. ҳалок бўлган.
Қайд этилишича, вазият Ўзбекистоннинг Қозон ва Екатеринбург шаҳарларидаги Бош консулхоналари томонидан назоратга олинган бўлиб, Россия Нижегород ва Челябинск вилоятларининг маҳаллий ваколатли органлари билан алоқада бўлиб турибди.
Шунингдек, ҳалок бўлганларнинг жасадларини Ватанга юбориш бўйича консуллик-ҳуқуқий ва ташкилий масалаларни ҳал қилиш билан шуғулланмоқда.
Аввалроқ Қозоғистонда юз берган ЙТҲда Ўзбекистон фуқароси ҳалок бўлгани хабар берилган эди.
Изоҳ (0)