Сирдарё ҳамда Наманган вилоятларида Фавқулодда вазиятлар бошқармаси бошлиқлари ўзгарди.
ЎзАнинг хабар беришича, подполковник Ғуломжон Муҳаммедов Фавқулодда вазиятлар вазири буйруғи билан Сирдарё вилояти Фавқулодда вазиятлар бошқармаси бошлиғи лавозимига тайинланди. Бунга қадар у Сирдарё вилояти Ёнғин хавфсизлиги бошқармаси бошлиғи лавозимида ишлаб келаётганди.
«Дарё» мухбирининг маълум қилишича, полковник Бунёджон Эгамназаров эса Наманган вилояти Фавқулодда вазиятлар бошқармаси бошлиғи этиб тайинланди. У бунга қадар Наманган вилояти Ёнғин хавфсизлиги бошқармаси бошлиғи лавозимида ишлаган.
Изоҳ (0)