Таиланд мезбонлик қилаётган U23 Осиё чемпионати—2020 мусобақасининг 3-тур учрашувлари 15 январь, чоршанба куни давом эттирилади.
C гуруҳидан ўрин олган Ўзбекистон олимпия терма жамоаси гуруҳ босқичининг сўнгги турида Жанубий Кореяга қарши баҳс олиб боради. Параллел равишда Хитой ва Эрон терма жамоалари ўртасида гуруҳнинг иккинчи ўйини бўлиб ўтади.
Банкок яқинидаги «Таммасат» стадионида бўлиб ўтадиган учрашув Тошкент вақти билан 15:15 да старт олади. Ўйин «Спорт» телеканали орқали жонли эфирга узатилиши режа қилинган.
Мазкур учрашувда қўлга киритилган ҳар қандай очко Любинко Друлович шогирдларини кейинги босқичга олиб чиқади. Жанубий Корея устидан қозонилган ғалаба эса Ўзбекистонга биринчи ўринни тақдим этади.
Шунингдек, B гуруҳи вакиллари ҳам 3-тур баҳсларига киришади. Саудия Арабистони Сурия билан ўйнаса, гуруҳдан чиқиш имкониятини йўқотган Япония қатарликларга қарши учрашув ўтказади.
U23 Осиё чемпионати—2020
3-тур баҳслари
15 январь, чоршанба
C гуруҳи
15:15. Ўзбекистон — Жанубий Корея
15:15. Хитой — ЭронB гуруҳи
18:15. Саудия Арабистони — Сурия
18:15. Қатар — Япония
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)