Таиланд мезбонлик қилаётган U23 Осиё чемпионатининг А гуруҳи вакиллари 14 январь, сешанба куни 3-тур ўйинларини ўтказди.
Гуруҳ пешқадами Австралия аутсайдер Баҳрайнга қарши баҳс олиб борди. Учрашувнинг 34-дақиқасида Рами Нажжарине австралияликларни олдинга олиб чиққан бўлса, биринчи бўлимга қўшиб берилган вақтда Муҳаммад Жассим Маърун мувозанатни тиклади. Қолган вақтда ҳисоб ўзгармади.
Параллел кечган ўйинда мусобақа мезбонлари иккинчи йўлланма учун Ироққа қарши ўйнади. 6-дақиқада Яроэнсак Вонгорн пенальтидан унумли фойдаланган ҳолда Таиланднинг биринчи голини урди. Иккинчи бўлим дебютида ироқликлар бунга Муҳаммад Қосимнинг аниқ зарбаси билан жавоб қайтарди. Бу дуранг шарқий Осиё вакилларига плей-офф йўлланмасини тақдим этди.
Шу тариқа Австралия 5 очко билан гуруҳда биринчи ўринни эгаллаган ҳолда чорак финалга йўл олди. Иккинчи ўрин эса 4 очко тўплаган Таиландга насиб этди. Ироқ (3) ва Баҳрайн (2) эса гуруҳда қолиб кетди.
U23 ОЧ—2020
3-тур баҳслари
14 январь, сешанба
А гуруҳи
Австралия — Баҳрайн 1:1
Голлар: 1:0 — 34 Рами Нажжарине, 1:1 — 45+3 Муҳаммад Жассим МаърунТаиланд — Ироқ 1:1
Голлар: 1:0 — 6, пеналти Яроэнсак Вонгорн, 1:1 — 49 ҚосимЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)