Футбол бўйича Ўзбекистон Лига Кубоги мусобақасининг 2020 йилги мавсумидан бошлаб Тожикистон ва Қирғизистон клублари ҳам иштирок этиши мумкин.
ПФЛ бош директори ўринбосари Диёр Имомхўжаевнинг маълум қилишича, Ўзбекистон футбол ассоциацияси бу борада Тожикистон ва Қирғизистон футбол федерацияларига таклиф юборган.
Мазкур мусобақага кейинчалик Туркманистон, Қозоғистон ва Афғонистон клубларини ҳам таклиф қилиш мўлжалланмоқда.
Лига Кубоги 2019 йилда ташкил этилди. Дастлабки мусобақада Ўзбекистон Суперлигасининг 14 жамоаси ва Про Лиганинг иккита клуби иштирок этди. Мусобақанинг илк ва амалдаги чемпиони «Пахтакор» клуби ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)