Ички ишлар вазирлиги Жиноят, Жиноят-процессуал кодексларига ҳамда Маъмурий жавобгарлик тўғрисидаги кодексига ўзгартириш ва қўшимчалар киритиш тўғрисидаги қонун лойиҳасини муҳокамага қўйди.
Лойиҳага кўра Ўзбекистоннинг 1994 йил 22 сентябрда қабул қилинган ЎРҚ–2012-XII-сонли қонуни билан тасдиқланган Жиноят кодексига қуйидаги ўзгартириш ва қўшимчалар киритилади:
66-1-моддасининг («Ярашилганлиги муносабати билан жиноий жавобгарликдан озод қилиш») биринчи қисмида:
- «109-моддасида («Қасддан баданга енгил шикаст етказиш») деган сўзлар чиқариб ташланади;
- «140-моддасининг биринчи ва иккинчи қисмларида» деган сўзлар «140-моддасининг иккинчи қисмида» деган сўзлар билан алмаштирилади;
- 109-модда («Қасддан баданга енгил шикаст етказиш») чиқариб ташланади;
- 140-моддасининг («Ҳақорат қилиш») биринчи қисми («Ҳақорат қилиш, яъни шахснинг шаъни ва қадр-қимматини беодоблик билан қасддан таҳқирлаш, башарти, шундай ҳаракатлар учун маъмурий жазо қўлланилгандан кейин содир этилган бўлса») чиқариб ташланади.
Изоҳ (0)