Ватан ҳимоячилари куни байрами муносабати билан Шимоли-ғарбий ҳарбий округининг қўмондон кубоги мусобақаси ўтказилди. Бу ҳақда округ матбуот хизмати хабар берди.
2019 йилдан буён ўтказиб келинаётган ушбу турнирда ёшлар тўсиқлар йўлагини енгиш, гранатани узоққа улоқтириш, нишонларга пневматик қуролдан ўқ отиш ва яна бошқа жисмоний синовлардан ўтди.
Октябрда бошланган мусобақада Қорақалпоғистон пойтахти Нукус шаҳридаги 10 та мактаб ва Хоразм вилоятининг Урганч шаҳридаги 10 та мактаб ўқувчилари иштирок этган.
Финал баҳсида Нукусда ва Урганчда энг юқори натижага эришган 5 тадан мактаб қатнашди. Якуния натижаларга кўра Урганч шаҳридаги 28-мактаб вакилллари ғолиб бўлди, Нукусдаги 19 ва 36-сон мактаб ўқувчилари эса мос равишда иккинчи ҳамда учинчи ўринларни эгаллади. Шунингдек мусобақа якунига етгач, иштирокчилар И.В.Савицкий номидаги Қорақалпоғистон Республикаси давлат санъат музейига экскурсия ташкил қилинган.
Изоҳ (0)