Аввалроқ Президент Шавкат Мирзиёев Адиблар хиёбонига боргани, у ердаги қурилиш ишлари, ҳайкалларга оид лойиҳа билан танишгани ҳақида хабар берилганди. «Ёзувчилар уюшмаси»нинг маълум қилишича, Адиблар хиёбонида яна 11 шоир-ёзувчига ҳайкал ўрнатилади.
Хиёбон Алишер Навоий ҳайкали билан уйғунлаштирилиб, яхлит адабий-меъморий шажара ҳосил қилиши учун янги лойиҳа ишлаб чиқилди. Унинг мана шу босқичида хиёбонга 23 адибнинг ҳайкали ўрнатилиши кўзда тутилган. Хусусан, Навоий, Бобур, Огоҳий, Муқимий, Фурқат, Авлоний, Беҳбудий, Қодирий, Чўлпон, Ойбек, Ҳамид Олимжон ва Зулфия, Абдулла Қаҳҳор, Саид Аҳмад ва Саида Зуннунова, Ғафур Ғулом, Озод Шарафиддинов, Эркин Воҳидов, Абдулла Орипов, Ибройим Юсупов, Тўлепберген Қайипбергенов, Александр Файнберг, Муҳаммад Юсуфнинг ҳайкали бир бутун ансамблни ташкил этади.
Изоҳ (0)