Ўзбекистон ва Россия шаҳарлари орасида енгил автомобилда қатнайдиган ўнлаб ҳайдовчилар 13 январь куни Олий Мажлис Қонунчилик палатаси биноси олдида тўпланди. «Kun.uz»нинг хабар беришича, Ўзбекистоннинг турли ҳудудларидан келган ҳайдовчилар 1 январдан кучга кирган янги божхона тартибидан шикоят қилмоқда.
Янги тартибга кўра, жисмоний шахслар шахсий эҳтиёжлари учун чет элдан олиб келаётган товар миқдори божсиз олиб кириш меъёрларидан орца, божлар соддалаштирилган тартибда ундирилади — божхона божи, ҚҚС ва акциз солиғи ўрнига ягона божхона тўлови жорий этилди.
Тўлов ставкаси товарнинг божхона қийматидан 30 фоиз, лекин бир килограми учун 3 доллардан кам бўлмаган миқдорда белгиланган. Ҳайдовчилар жорий этилган бож миқдори қимматлигини айтиб, уни пасайтиришни илтимос қилмоқда.
Ўзбекистонга кириб келишда 1 кило юк учун тўланадиган 3 доллар Россияда ишлайдиган юртдошларимизга ва Россия—Ўзбекистон йўналишида қатнайдиган ҳайдовчиларга оғирлик қиляпти.Аввалроқ Давлат божхона қўмитаси Божхона тўловлари бошқармаси бош инспектори Илҳомжон Пардаев «бу қарорнинг моҳияти тўғри тушунилиши, нотўғри татбиқ қилинмаслиги керак»лигини таъкидлаган эди.Россияда ишлайдиган яқинларимизнинг ойлиги 30—35 минг рубл атрофида бўлса, ундан ойлик патент тўлови ва квартирасига тўласа, юкларини олиб келишимиз учун бизга килосига 120 рублдан (2 долларга яқин) тўлов қилса, фуқароларимизга нима қолади?
Оила боқиш учун 4—5 кунлаб, уйқусизлик билан Қорақалпоғистонгача етиб келамиз. Шу вақт ичида Қозоғистон билан чегарадаги божхонада бир кунлаб навбатда қолиб кетамиз. Божхонага киришда «Юкларимиз учун қанча пул олишаркан?» деб юрак ҳовучлаб ўтирамиз.
Машинасининг тиркамаси борлар 10 миллион сўмдан бошлаб тортишиб-тортишиб, 4—5 миллион сўмгача туширишади. Енгил машина устидаги багажи учун 1,5—2 миллион атрофида пул тўланади. «Агар пулни тўламасанг, қора рўйхатга киритамиз. Кейин Ўзбекистондан чиқа олмайсан», деб дағдаға ҳам қилишади
Расмийларга ёзилган илтимосномадан
«Оддий мисол билан тушунтирсам — 2020 йил 1 январга қадар божхона божи, акциз солиғи ҳамда ҚҚС ставкалари йиғиндиси озиқ-овқат товарлари учун ўртача 37 фоиз ва ноозиқ-овқат товарлари учун 45 фоизни ташкил этган. Эндиликда эса буларнинг бари учун 30 фоиз миқдорида ягона божхона тўлови жорий этилди. Кўриниб турибдики, янги жорий этилган ягона божхона тўлови 2020 йил 1 январга қадар жисмоний шахслардан ундирилган тўловлардан пастроқ», — деганди божхона инспектори.
Душанба куни Олий Мажлис биноси олдида йиғилган ҳайдовчилар шикоят билан бошқа давлат ташкилотларига ҳам мурожаат қилиш ниятида эканликларини маълум қилган.
Изоҳ (0)