Япониялик футболчи Кадзуйоши Миура яна бир мавсум футбол ўйнаши аниқ бўлди.
Февралда 53 ёшни қаршилайдиган Миура «Йокогама» билан шартномасини яна бир мавсумга узайтирди. Навбатдаги мавсум унинг учун фаолиятидаги 35-си бўлади. Бу эса рекорд ҳисобланади.
Қайд этиш жоиз, Миура 2007 йилдан бери илк бор Япония олий дивизионида тўп тепади. «Ёкогама» мавсум якунларига кўра, юқори дивизионга йўл олди.
Миура профессионал футболчилик фаолиятини 1989 йилда бошлаган. У ҳозир дунёдаги энг ёши катта профессионал футболчи ҳисобланади.
Кадзуйоши 1994 йил ижара асосида Италиянинг «Женоа» шарафини ҳимоя қилган. Натижада А Серияда ўйнаган япониялик илк футболчи бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)