Мюнхенгладбахнинг «Боруссия» клуби ҳимоячиси Маттиас Гинтер 2019 йил якунларига кўра, Германия терма жамоасининг энг яхши футболчиси деб топилди.
Ғолиб мухлисларнинг овозларига кўра аниқланди. 25 ёшли Гинтер 37 фоиз овоз олган бўлса, «Бавария» вакиллари Серж Гнабри 28,3 ҳамда Йозуа Киммих 8,4 фоиз овозга эга бўлди.
Ўтган йил Гинтер Германия терма жамоаси сафида Евро—2020 саралашида 6 та ўйин ўтказиб, 1 та гол урди ва 2 та голли узатмани амалга оширди.
Гинтер жорий мавсум Бундеслига доирасида 14 та ўйин ўтказди ва 1 та голга ассистентлик қилди. Футболчининг трансфери айни дамда 35 миллион еврога баҳоланмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)