Yaponiyalik futbolchi Kadzuyoshi Miura yana bir mavsum futbol o‘ynashi aniq bo‘ldi.
Fevralda 53 yoshni qarshilaydigan Miura “Yokogama” bilan shartnomasini yana bir mavsumga uzaytirdi. Navbatdagi mavsum uning uchun faoliyatidagi 35-si bo‘ladi. Bu esa rekord hisoblanadi.
Qayd etish joiz, Miura 2007-yildan beri ilk bor Yaponiya oliy divizionida to‘p tepadi. “Yokogama” mavsum yakunlariga ko‘ra, yuqori divizionga yo‘l oldi.
Miura professional futbolchilik faoliyatini 1989-yilda boshlagan. U hozir dunyodagi eng yoshi katta professional futbolchi hisoblanadi.
Kadzuyoshi 1994-yil ijara asosida Italiyaning “Jenoa” sharafini himoya qilgan. Natijada A Seriyada o‘ynagan yaponiyalik ilk futbolchi bo‘lgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)