Янги йил – байрамона кайфият билан илҳомлантирадиган сеҳрли вақт. Болалигимиздан ушбу байрамда бизни нима қувонтирар эди? Албатта совғалар! Янги йил кунларида барча болалар уларни интизорлик билан кутишади.
Лукойл компанияси ўзининг хайрия фаолияти доирасида янги йил кунларида жисмоний имконияти чекланган болалар, меҳрибонлик уйлари тарбияланувчилари ва кам таъминланган оилаларни табриклаш бўйича анъанавий акцияни ўтказди.
Компания Бухоро, Қарши, Тошкент ва Тошкент вилоятидаги жами 2000 нафар болаларни янги йил совғалари билан хурсанд қилди. Бухоро ва Қарши шаҳарларидаги имконияти чекланган болалар учун мўлжалланган тўртта мактаб-интернатларида янги йил байрами ташкил этилди. Шубҳасиз, болалар байрамона кайфият, ғамхўрлик ва эътиборни ҳис этишди. Бундан ташқари, ўтган йили Лукойл Қарши шаҳридаги 18-сонли мактаб-интернат ўқувчиларига янгиланган, таъмирланган ва жиҳозланган турар жой ва ўқув хоналарини тақдим этди.
Компания «Меҳрибонлик», «Зиё нури» жамияти аъзолари, Тошкент вилоятининг Чирчиқ шаҳридаги 14-сонли меҳрибонлик уйи ва Тошкент шаҳридаги 2-сонли «Мурувват» меҳрибонлик уйининг тарбияланувчилари эътиборидан четда қолмади. Ушбу меҳрибонлик уйларида янги йил байрамлари ташкиллаштирилган. Қорбобо, Қорқиз, Олаф, капитан Марвел ва Оппоқой каби эртак қаҳрамонлари болажонларга ажойиб кайфият ва бетакрор туйғуларни тақдим этди. Болажонлар йиғилганларни ажойиб таъсирли чиқишлари билан хурсанд қилишди, севимли шеърларини айтиб беришди, валс ва Андижон полкаси рақсларини ижро этишди, «Кулча» қўшиғи эса ҳеч кимни бефарқ қолдирмади.
Қорбобо Республика онкология марказининг болалар онкологияси бўлимидаги болажонларга янги йил совғаларини топшириб, уларни ўзининг кутилмаган ташрифи билан мамнун этди. Болаларнинг юзларидаги хурсандчилик ва қувончни тасвирлашга тил ожиз, десак адашмаган бўламиз. Болалар табассумидан азизроқ нарсанинг ўзи борми?
Баъзида жиддий касалликлар ва хасталикларга дуч келган болалар ҳаётига табассум ва ёрқин рангларни киритиш учун зарур бўлган нарса бу эътибор ва ғамхўрлик, бахт ва қувонч заррачалари, улар билан эса хоҳласак ҳар биримиз бўлишишимиз мумкин.
Бухоро ва Қаршидаги мактаб-интернатлар, Чирчиқ ва Тошкентдаги меҳрибонлик уйлари тарбияланувчилари ҳамда Республика онкология марказида даволанаётган болалари учун янги йил совғалари
Лукойл’нинг болалар ва катталар учун яна бир янги йил совғаси 7—8 январь кунлари «Ҳумо» муз саройининг аренасида бўлиб ўтган «Ҳақиқий Шелкунчик» муз намойиши бўлди. Томошабинларни нафақат юқори даражадаги фигурали учиш, юқори технологияли эффектлар ва эсда қоларли манзаралар билан, балки ҳақиқий мусиқий театр билан ҳайратга солган ёрқин ва ажойиб томоша бўлди. Муз устида мусиқий экспериментлар ва интерактив чиқишлар Ўзбекистонда биринчи бор намойиш этилди. Спектакл яратувчилари Россиядаги «Муз мюзикли» жанрининг асосчиларидир, уларнинг лойиҳаларида эса олимпия чемпионлари ва энг йирик фигурали учиш мусобақалари ғолиблари иштирок этишган.
Янги йил томошасида спорт усталари, Россия Федерациясининг фигурали учиш бўйича чемпионлари ва совриндорлари, шу жумладан, Э.Тутберидзе, А.Мишин, А.Жулин ва Т.Москвинина каби таниқли фигурали учиш усталарининг шогирдлари, жами 25 россиялик фигурачилар иштирок этишди. Икки кун ичида 5 томоша ўтказилди, улардан биттаси эса тўлиқ хайрия тадбири эди. Компания ушбу тадбирнинг бош ҳомийси сифатида пойтахтнинг 6 мингга яқин аҳолиси, меҳрибонлик уйлари ва мактаб-интернатлар тарбияланувчилари ҳамда кам таъминланган оилалар учун томошага ташриф буюриш имкониятини тақдим этди.
Шак-шубҳасиз, муз шоуси барча томошабинларда унутилмас ва ёрқин таассурот қолдирди.
Реклама ҳуқуқи асосида.
Изоҳ (0)