Хабарингиз бор, 2019 йилнинг 27 декабрида Президентимизининг ёшлар билан учрашуви бўлиб, юртбошимиз,«Янги Ўзбекистонни, албатта ёшлар билан бирга қурамиз» 2020 йил ёшларга оид давлат сиёсатида туб бурилиш йили бўлади« — дея таъкидлаган эдилар. Шунингдек, »Раҳбар ва ёшлар» учрашувлари эндиликда тез-тез ташкил этилишини белгилаб берган эди. «Андижон ҳудудий электр тармоқлари корхонаси» акциядорлик жамияти раҳбари, ёшлар билан юзма-юз кўплаб учрашувлар ўтказилмоқда.
Очиқ мулоқот тарзида ўтказилган учрашувлар давомида корхонанинг ёшлари мавжуд муаммолар, уларнинг ечими юзасидан ўзларининг таклифлари, соҳани ривожлантириш, меҳнат самарадорлигини ошириш борасидаги таклифлари, шунингдек соҳага оид инновацион лойиҳалари билан иштирок этди.
Учрашувни «Андижон ҳудудий электр тармоқлари» АЖ бош директори Аҳаджон Жўраев кириш сўзи билан очиб, ёшларни корхонада олиб борилаётган амалий ишлар билан таништирди.
Жумладан, жамиятимиз ходимлари томонидан вилоятдаги 16 минг ташкилот ва 610 минг аҳоли истеъмолчиларига электр энергияси етказиб берилмоқда. 2019 йил давомида жами 3,2 млрд кВт соат ёки 1 трлн сўмлик, ўтган йилга нисбатан 10% кўпроқ электр энергияси етказиб берилди.
2019 йилда «Завроқ» ва «Олтин водий» ПС ларга 2 дона 25 000 кВА трансформатор, «Олийгоҳ», «Чинобод», «Камолот», «Хидирша», ПС ларга 4 дона 10 000 кВА трансформатор, «КФК» ПС га 1 дона 6300 кВА трансформатор, «Ором» ва «Пайтуг» ПС ларига 2 дона 4 000 кВА трансформатор олиб келиниб, жами 9 дона 104300 кВА куч трансформаторлари ўрнатилди. Натижада Андижон, Асака, Балиқчи, Избоскан, Олтинкўл, Хўжаобод, Шаҳрихон туманлари ҳамда Андижон шаҳри электр таъминоти яхшиланди.
«Паст кучланишли тармоқларни модернизация ва реконструкция қилиш» Дастури доирасида 615 км электр тармоқлари ва 285 та трансформатор пунктида қурилиш ва реконструкция ишлари бажарилди.
Куз-қиш мавсумига тайёрлаш учун 1,5 минг км узунликдаги электр узатиш тармоқлари ва 550 дона трансформатор пунктлари мукаммал таъмирланди.
Корхона моддий-техника базасини такомиллаштириш ҳамда ишчи ходимларга транспорт хизматини яхшилаш мақсадида4 дона енгил автомашиналар, 2 дона автокран монипулятор,4 дона ямабур, 1 дона камаз юк автомашинаси, 1 дона автобус харид қилинди.
Ушбу ишларни бажариш учун жами 65 млрд сўм маблағ сарфланди.
Истеъмолчиларга етказиб берилган электр энергиясини ўз вақтида ҳисоб-китоб қилиш ва маблағларни ундириш мақсадида Андижон, Хонобод шаҳарлари ҳамда Андижон, Асака туманида 150 минг дона замонавий ҳисоблагичлар ўрнатилиб, АСКУЭ тизимига уланди.
Жамият таркибида ташкил қилинган металл конструксиялар ишлаб чиқариш цехи томонидан жорий йилда 25 минг дона қурилмалар ишлаб чиқарилиб, жамиятга 2 млрд сўм иқтисод қилинди.
Кириб келаётган янги 2020 йилда ҳам жамиятимиз ходимлари томонидан «Охунбобоев» ПС га 1 дона 40 000 кВА, «Балиқчи» ПС га 1 дона 25 000 кВА трансформатор ўрнатиш режалаштирилган.
Хўжаобод туманида 2020 йилнинг 1-чорагида Темир-бетон таянчлар ишлаб чиқариш цехини ишга тушириш бўйича ишлар олиб борилмоқда. Бу лойиҳани амалга ошириш учун 2,5 млрд сўм маблағ сарфланади. Корхона томонидан йилига 15 минг дона темир-бетон таянч ишлаб чиқариш режалаштирилган.
Шундан сўнг ёшлар билан очиқ мулоқот қилиб уларнинг муаммолари, таклифлари, ва инновацион ғоялари билан танишди.
Хусусан, корхонанинг энерго сотиш муҳандиси Хусниддин Нуралиев сўзга чиқиб истеъмолчиларга қулайлик яратиш бўйича ўзининг таклифини билдирди.
Унинг сўзларига кўра «Истеъмолчиларга етказиб берилган электр энергиясини ўз вақтида ҳисоб-китоб қилиш ва маблағларни ундириш мақсадида Андижон, Хонобод шаҳарлари ҳамда Андижон, Асака туманида 150 минг дона замонавий ҳисоблагичлар ўрнатилиб, АСКУЭ тизимига уланди. Истеъмолчиларнинг автоматлаштирилган тизимга уланганлиги эндиликда истеъмолчи қарздорликка чиқиши билан тармоқдан ажратиш имконини яратади. Бу эса истеъмолчиларнинг қарздорлик ёки ҳақдорликлари ҳақида доимий хабардор бўлиб туришларини тақазо қилади. Шунинг учун, истеъмолчиларни туман, шаҳар электр тармоқларига бормасдан электрон тарзда қарздорлиги ҳақидаги кунлик маълумотни билиб туришлари учун шароит яратилиши лозим. Бунинг учун эса ҳозирда оммалашган Telegram каналларидан фойдаланиш мумкин. Узавтосаноат тизимида ҳозирда шундай тизим жорий қилинганки мижоз махсус Telegram ботга ўзининг ИНН ва шартнома рақамини киритиши кифоя. Мижозга ўзининг қарздорлиги, тўланган маблағлари, навбати тўғрисидаги маълумотлар шу заҳоти келади.
Бизнинг тизимда ҳам шундай Telegram бот очиб истеъмолчиларни қарздорлигини билиш учун шароит яратиш лозим.
Учрашув давомида юқоридаги каби ўнлаб таклифлар ва муаммолар кўтарилди. Уларни ўрганиб чиқиш ва муаммоларни бартараф қилиш бўйича керакли топшириқлар берилди.
Реклама ҳуқуқи асосида.
Изоҳ (0)