28 декабрь куни Ўзбекистондаги Freedom Finance компаниясининг матбуот анжумани бўлиб ўтди, ушбу анжуманда ўтган йилнинг асосий воқеалари ёритилди ва компаниянинг 2019 йилдаги фаолияти якунлари эълон қилинди.
Ўзбекистондаги Freedom Finance компанияси учун йилнинг энг муҳим воқеаси - SPO’да шиша ишлаб чиқарувчи йирик корхона — «Кварц» ОАЖнинг маҳаллий брокер Portfolio Investments билан бир қаторда битимнинг расмий андеррайтери сифатида иштирок этгани бўлди. SPO ташаббускори «Кварц» АЖ нинг асосий акциядори — Давлат активларини бошқариш агентлиги ҳисобланади. Давлат акцияларининг 5% жойлаштирилди.
«Кварц» АЖ, SPO доирасида 4,822,460 дона акцияларни сотиш режалаштирилган эди. «Тошкент» Республика фонд биржаси маълумотларига кўра, акцияларнинг жами 4 890 179 донасига 2 153 та талабнома келиб тушди, улар обуна бўлиш учун таклиф этилган қимматли қоғозлар ҳажмидан 1,40% га ошиб ва натижада 101,4% ни ташкил этди. Жалб этилган маблағларнинг умумий ҳажми — 16,03 млрд сўмни ташкил этди, Freedom Finance буюртмаларнинг асосий қисмини, яъни 3 973 716 та акциялар учун 1 700 та талабномани жалб этди, бу эса қимматли қоғозларнинг 82,4% га сотилишини таъминлади. Freedom Finance орқали жалб қилинган маблағлар ҳажми 13,03 миллиард сўмни ташкил этди. Шуни таъкидлаш лозимки, SPO «Кварц» АЖ компанияси пул кўринишида сотувга қўйилган акциялар ҳажми бўйича энг йириги ҳисобланади.
28 декабрь куни Freedom Finance SPO доирасида «Кварц» АЖ акцияларини сотиб олиш учун ариза берган инвесторлар орасида икки хонали квартирани ғолибини аниқлади.
2019 йил октябрь ойида Ўзбекистонлик Freedom Finance компаниясини ўз ичига олган Freedom Holding Corp. бош холдинг компанияси Nasdaq Capital Market’да листинг жараёнидан ўтди ва Нью-Йоркда «FRHC» савдо белгиси остида Freedom Holding Corp’га қарашли оддий акциялари савдоси бошланди, бу, компаниянинг фаолият кўрсатаётганини яққол намойиш этиб, энг юқори профессионал стандартлар ва молиявий институтларнинг ишончлилиги учун халқаро мезонларга жавоб бера олишига тасдиқдир.
Компания Ўзбекистон фонд бозорида энг яхши халқаро тажрибани жорий этишга интилмоқда. Шу тариқа, 2019 йил апрель ойида Ўзбекистон Республикаси капитал бозорини ривожлантириш агентлиги, Ўзбекистон Республикаси Давлат активларини бошқариш агентлиги, Қимматли қоғозлар марказий депозитарийси ва «Тошкент» Республика фонд биржаси кўмаги билан «Ўзсаноатқурилишбанк» ОАТБ (Инвестор куни) ва «Кварц» ОАЖ (Эмитент куни) билан қўшма лойиҳалар амалга оширилди. Бундай тадбирлар эмитентларнинг очиқлиги ва шаффофликга бўлган интилишини таъминлайди ва миноритар инвесторларга эмитент компанияларнинг узоқ муддатли режалари тўғрисида маълумот бериш ва ишларни таҳлил қилиш билан танишиш имконияти эса, ишонч ва ўзаро тушунишни оширади.
Ўзбекистон Республикаси Президентининг 24.04.2014 йилдаги ПФ-4720-сонли қарори билан тасдиқланган чора-тадбирлар дастурининг 13-бандига мувофиқ ҳар йили ўтказиб келинаётган «Капитал бозорида энг илғор» танлови натижаларига кўра, Freedom Finance «2018 йилнинг энг яхши инвестиция воситачиси» унвонига сазовор бўлди.
Freedom Finance’нинг Ўзбекистондаги асосий вазифаси — бу кенг аҳоли ўртасида инвестициялар соҳасидаги маърифий ишлар олиб боришдан иборатдир. Фонд бозори қандай ишлашини яхшироқ тушунишни, хавф-хатарни қандай ўлчашни ва пул ишлаб топишни ўрганишни истаганлар учун, Freedom Finance Ўзбекистоннинг 8 нафар шаҳарларида «Инвестиция санъати» ва «Молиявий дегустация» мавзусида бепул маҳорат дарсларини ўтказишда давом этмоқда.
Freedom Finance ҳақида маълумотнома.
Ўзбекистондаги ХТ «Freedom Finance» МЧЖ Freedom Holding Corp. холдинг таркибига киради. (АҚШ). Freedom Holding Corp. Шарқий Европа ва Марказий Осиёдаги Freedom Finance шўба корхоналари орқали молиявий хизматлар, чакана брокерлик операциялари, инвестиция масалалари бўйича маслаҳатлар, қимматли қоғозлар савдоси, инвестицион-банк ва андеррайтинг хизматларини тақдим этади.
Компания Қозоғистон фонд биржаси (KASE), Astana International Exchange (AIX), Москва биржаси (MOEX), Санкт-Петербург биржаси (СПБ), «Тошкент» Республика фонд биржаси ва Украина биржасининг профессионал иштирокчисидир. Компаниянинг бош офиси Олмаотада (Қозоғистон) жойлашган, Россия ва АҚШда қўшимча офислари мавжуд. Мазкур компания Қозоғистон, Россия, Қирғизистон, Украина, Ўзбекистон, Германия ва Кипрдаги 70 та филиали орқали 100 000 дан ортиқ мижозларга хизмат кўрсатади ва ўз мижозларига савдо ва бухгалтерия фаолияти учун мобил платформа бўлган TraderNet билан ишлаш имкониятини тақдим этади. ХТ «Freedom Finance» МЧЖ Freedom Finance’нинг Ўзбекистонда жойлашган филиаллари тармоғи Тошкент, Фарғона, Андижон, Самарқанд, Бухоро, Навоий, Қарши ва Нукус шаҳарлари ўз ичига қамраб олади.
*Қимматли қоғозлар ва бошқа молиявий воситаларга эгалик қилиш ҳар доим таваккаллар билан боғлиқ: қимматли қоғозлар ва бошқа молиявий воситаларнинг қиймати ўсиши ҳам, тушиб кетиши ҳам мумкин.
Реклама ҳуқуқи асосида.
Изоҳ (0)