Ироқ пойтахти яна ўққа тутилди. Бу «яшил ҳудуд» ичида содир бўлган, деб хабар беради «Коммерсантъ».
Мазкур ҳудудда хориж дипломатик миссиялари ва Ироқ давлат муассасалари жойлашган. Маълумотларга кўра «яшил ҳудуд»га икки ёки учта ракета келиб тушган. Бу «Катюша» типига оид ракета эканлиги айтилмоқда.
Гувоҳларнинг таъкидлашича, икки маротаба портлаш содир бўлган ва сиреналар овози эшитилган.
5 январь куни АҚШнинг Бағдоддаги элчихонаси яқинида портлаш содир бўлганди.
Мамлакатда вазият Эрон генерали Қосим Сулаймоний АҚШ президенти Дональд Трамп буйруғига кўра Бағдодда ўлдирилганидан сўнг кескинлашди. Трамп Сулаймонийни биринчи рақамли террорчи деб атаган эди.
Эрон Сулаймоний ўлими учун ўч олишга ваъда берган. 8 январь куни Эрон Исломий инқилоб муҳофизлари корпуси АҚШнинг Ироқдаги иккита ҳарбий базаларига 10 дан ортиқ баллистик ракета учирган.
Мавзуга доир:
Изоҳ (0)