8 январь куни Эрон берган авизарба оқибатида Ироқ ғарбидаги Айн ал-Асад Америка базасининг ҳолати акс этган кадрлар тарқалди. Бу ҳақда Bloomberg хабар қилган.
Сунъий йўлдош орқали олинган ва ижтимоий тармоқларда тарқалган суратларда АҚШ ҳарбий базасидаги камида тўртта нуқта жиддий талофат кўрганини пайқаш мумкин. Суратлар бутунжаҳон мувофиқлаштирилган вақти (UTS) билан 07:52 да олинган.
Ҳужум оқибатида бир нечта қирувчи самолёт талофат кўрган. Бошқа маълумотларга кўра бир нечта самолёт йўқ қилинган. АҚШ президенти Дональд Трамп уюштирилган ҳужумдан талофат кўрганлар ва ҳалок бўлганлар йўқлигини маълум қилган. Унинг сўзларига кўра фавқулодда вазият ҳақида огоҳлантириш тизими вақтида ишга тушган ва базага жиддий зиён етмаган.
Аввал Эроннинг Америка базасига уюштирган ҳужумидан кейин ҳудуддаги биноларга жиддий зарар етгани, ракеталар зарбасининг чуқур излари қолгани ҳақида хабарлар тарқалган. Шунингдек, Теҳрондан ракеталарнинг қандай учирилгани ҳақидаги видео ҳам эълон қилинганди.
8 январь оқшомида Эрон АҚШнинг Ироқдаги ҳарбий объектларига ҳужум уюштирган. Бу Бағдод аэропортига АҚШ берган авизарба оқибатида ҳалок бўлган «Ал-Қудс» махсус бўлинмаси генерали Қосим Сулаймоний ўлими учун қасос ҳаракати. Операция «Шаҳид Сулаймоний» номини олган.
Мавзуга доир:
Изоҳ (0)