Бугун,

  • USD 11095.31
  • RUB 173.84
  • EUR 10772.44

Telegram’даги «Қўшни маҳалла» каналида эълон қилинган хабарга жавобан Деҳқонобод туман ҳокими Зоир Алиқулов бугун — 7 январь куни ишчи гуруҳ билан айтилган манзилга борган ва ҳолатни кўздан кечирган. Бу ҳақда «Дарё»га туман ҳокимлиги ахборот хизмати хабар берди.

Фото: «Sof.uz»

Маълум бўлишича, Шамоликам қишлоғида 7-мактаб филиали жойлашган бўлиб, 60 нафар ўқувчи таҳсил олади. Филиалда 8 нафар ўқитувчи бошланғич синф ўқувчиларига таълим-тарбия беради.

Суратда ўқувчиларнинг сувдан ўтишига кўмаклашаётган ўқитувчи Сайфулла Худойқуловнинг айтишича, мазкур сурат 2019 йил 2 май куни олинган.

Фото: Деҳқонобод туман ҳокимлиги ахборот хизмати

— Одатда баҳор ойларида бу ердан сел келади, — дейди Сайфулла Худойқулов. – Ўша пайт филиалдаги 8 нафар ўқитувчи навбат-навбат ўқувчиларни сувдан ўтказамиз. Бошқа пайт бу ердан сел келмайди.

Фото: Деҳқонобод туман ҳокимлиги ахборот хизмати

Вазият билан танишган ҳоким нафақат ўқувчилар учун, дарёнинг нарига томонида истиқомат қилувчи 80 дан ортиқ хонадон вакиллари ҳам ўтиб-қайтувчи кўприк қуриб беришни ваъда қилди.

— Иссиқ жоннинг иситмаси бор деганларидек, қишлоқ аҳолиси тез ёрдам машинасини чақириши мумкин ёки ўзлари машинада шифохонга боришга тўғри келиши мумкин. Шунинг учун ҳам аҳоли корига ҳам ярайдиган кўприк қурамиз, — деди ҳоким Зоир Алиқулов қишлоқ аҳолиси билан мулоқотда.

Сайфулла Худойқулов

Сайфулла Худойқулов
Фото: Деҳқонобод туман ҳокимлиги ахборот хизмати

Таъкидланишича, ушбу ҳудуд учун кўприк қуриш таклифи илгари ҳам ўртага ташланган бўлиб, Қарши Минтақавий темир йўл узели билан ҳамкорликда ишлар ҳам бошлаб юборилган. Кўприк қурилиши учун қурилиш материаллари олинган. Йўл текисланган. Аммо бетонлаш ишларини бажариш учун ҳаво совуқ бўлгани боис, маълум муддатга тўхтаб қолган. Ҳоким ишларни давом эттириш учун мутасаддиларга топшириқ берди.

Айтилишича, мазкур ҳудуддаги кўприк сел даври бошлангунга қадар қуриб битказилади.

Фото: Деҳқонобод туман ҳокимлиги ахборот хизмати

Филиал ўқитувчилари ва ходимлари билан суҳбат чоғида ҳоким бошқа муаммолар билан ҳам қизиққан.

— Мактабимиз синфхоналари қизимайди, — дейди аҳоли вакилларидан бири Аҳмад Муҳаммадиев. – Боиси, мактаб қозонхонаси нотўғри монтаж қилинган. Қанча кўмир ёқсангиз ҳам исимайди. Ҳаш-паш дегунча ўқиш бошланади. Болаларимиз қийналади.

Мазкур муаммодан хабар топган ҳоким туман ХТБ мудири Ўктам Тошбоевга 1 кун муҳлат бериб, филиалнинг иситиш тизимидаги муаммоларини ўрганиш ва бу ҳақда ҳокимликка ахборот бериш ҳақида топшириқ берди. Айтилишича, таътил тугаб ўқиш бошлангунга қадар филиалнинг иситиш тизимидаги муаммолар ҳам бартараф этилади.

Эслатиб ўтамиз, аввалроқ Деҳқонободда ўқувчилар дарё кечиб мактабга бораётгани хабар қилинганди.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Маҳаллий
Шавкат Мирзиёев Володин бошчилигидаги Россия парламент делегациясини қабул қилди (фото)
Дунё
Саакашвилининг организмида маргимуш топилди — адвокат