Bugun,

  • USD 11095.31
  • RUB 173.84
  • EUR 10772.44

Telegram’dagi “Qo‘shni mahalla” kanalida Qashqadaryo viloyatining Dehqonobod tumanidagi Shamolikam qishlog‘ida maktab o‘qituvchisi etik kiygan holda o‘quvchilarni maktabga yoki uyiga yetib olishi uchun birma-bir daryodan o‘tkazayotgani aks etgan surat e’lon qilindi.

Foto: Telegram / “Qo‘shni mahalla”

Foto: Telegram / “Qo‘shni mahalla”

Qayd etilishicha, bahor, kuz va qish oylarining har kuni shunday holatda o‘tadi. Yomg‘ir yoqqan kuni daryoga sel keladi. Sel kelsa, bolalar qirg‘oqning yo u yo bu tomonida qoladi. Maktabga kelgan o‘quvchi seldan o‘tolmay maktabda qolib ketadigan holatlar ham uchrab turadi.

“Ko‘prikni suv oqizmagan, chunki bu yerda hech qachon ko‘prikning o‘zi bo‘lmagan”, — deyiladi xabarda. Xabar so‘ngida holat bo‘yicha Xalq ta’limi vazirligi va Dehqonobod tumani hokimligidan izoh so‘ralgan.

O‘zbekiston Xalq ta’limi vazirligi makur holat yuzasidan munosabat bildirdi.

Vazirlik munosabatiga ko‘ra, Xalq ta’limi vazirligi vakolatlariga joylarda ko‘prik yoki boshqa obyektlarni qurish masalalari kirmaydi. Joylarda infratuzilmalarni rivojlantirish uchun mahalliy hokimliklar javobgar.

Qayd etilishicha, 2018-yilning 5-sentabr kuni O‘zbekiston Respublikasi Prezidentining “Xalq ta’limini boshqarish tizimini takomillashtirish bo‘yicha qo‘shimcha chora-tadbirlar to‘g‘risida” farmoni qabul qilingan.

Vazirlikning qayd etishicha, mazkur farmonning uchinchi bandiga muvofiq, xalq ta’limi muassasalarini qo‘llab-quvvatlash va ularning infratuzilmasini rivojlantirish masalasi, xususan ularga tutash hududlarni obodonlashtirish, infratuzilmani (trotuarlar, yo‘llar va boshqalar) zarur holatda saqlash bo‘yicha buyurtmachi funksiyasini amalga oshirishda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari amaliy yordam ko‘rsatishi zarur.

Dehqonobod tuman hokimligi tomonidan ma’lum qilinishicha, mazkur holatga tuman hokimi Zoir Aliqulov e’tibor qaratdi va tez orada hokimlikning ushbu masala yuzasidan munosabati e’lon qilinadi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi