2 январь куни 63 ёшли фуқаро Шаҳрисабз шаҳри Ипак йўли кўчасида жойлашган кафеларнинг бирида иш бошқарувчи бўлган 45 ёшли О.Ж.ни пичоқлаб қўйди. Бу ҳақда ИИВ ҳузуридаги Тергов департаменти хабар берди.
Таъкидланишича, ота О.Ж. билан ўғлининг ишга чиқмаслиги масаласида тортишиб қолган. О.Ж. эса уни уятли сўзлар билан ҳақорат қилганлиги сабаб уни ошхона пичоғи билан қорин соҳасига тан жароҳати етказган.
Натижада О.Ж. оғир тан жароҳатлари билан тиббиёт бирлашмасининг травматология бўлимига ётқизилган. Ҳодиса жойини кўздан кечириш жараёнида бир дона ошхона пичоғи ва қон доғлари процессуал тартибда расмийлаштириб олинган.
Мазкур ҳолат юзасидан Шаҳрисабз шаҳар ИИБ ҳузуридаги Тергов бўлими томонидан отага нисбатан Жиноят кодексининг 104-моддаси 1-қисми (Қасддан баданга оғир шикаст етказиш) билан жиноят иши қўзғатилган.
Ҳозирда дастлабки тергов ҳаракатлари давом эттирилмоқда.
Изоҳ (0)