АҚШ давлат департаменти мамлакат фуқароларини «минтақадаги таранг вазият туфайли» Ироқни зудлик билан тарк этишга чақирди. Бу ҳақда Meduza хабар бермоқда.
Мазкур баёнотда АҚШнинг Бағдоддаги элчихонаси 31 декабрь куни «Эрон томонидан қўллаб-қувватланадиган қуролли гуруҳлар ҳужумига дучор бўлгани» эслатиб ўтилган.
Давлат департаментининг Ироқни тарк этиш ҳақидаги тавсияси Бағдодда АҚШ ҳарбий ҳаво кучлари авиазарбаси натижасида Эрон Ислом инқилоби муҳофизлари корпуси махсус бўлинмаси қўмондони генерал Қосим Сулаймоний ўлдирилганидан бир неча соат ўтиб эълон қилинди.
Маълумот учун, АҚШ давлат котиби Майк Помпео 31 декабрь куни Fox News телеканалига берган интервьюсида Бағдоддаги Америка элчихонаси олдида бўлаётган воқеалар сабабли январь ойи бошида Украина, Марказий Осиё мамлакатлари ва Кипрга режалаштирган сафарларини қолдириши мумкинлигини таъкидлаб ўтганди.
Изоҳ (0)