Пентагон Бағдод халқаро аэропорти яқинидаги маррага авиазарба берди. Зарба нишони Эрон Ислом инқилоби муҳофизлари корпуси (ИИМК)нинг «Ал-Қудс» махсус бўлинмаси қўмондони генерал Қосим Сулаймоний бўлган — ҳужум оқибатида у ҳалок бўлган. Зарба АҚШ президенти Дональд Трамп фармойишига асосан берилган. Расмий Вашингтон ИИМКни террорчилик ташкилоти деб ҳисоблайди.
Эрон ташқи ишлар вазири Жавад Зариф Ислом инқилоби муҳофизлари корпуси (ИИМК)нинг «Ал-Қудс» махсус бўлинмаси қўмондони генерал Қосим Сулаймонийнинг ўлдирилишини АҚШ томонидан амалга оширилган террорчилик акти дея баҳолади.
Эрон олий етакчиси Оятулла Али Хоманаий Ироқда генерал Қосим Сулаймоний ўлдирилгани сабабли мамлакатда 3 кунлик миллий мотам эълон қилди.
Forbes’нинг ёзишича, Сулаймонийнинг ўлимидан кейин 2 январдан 3 январга ўтар кечаси Brent нефти нархи қарийб 4 фоизга қимматлашиб, бир баррел учун 68,86 долларни ташкил этган.
Сулаймонийнинг ўлими олтиннинг нархига ҳам таъсир кўрсатди. Февралда етказиб бериладиган олтиннинг нархи қарийб 1 фоизга қимматлашиб, бир унсия учун 1524 долларни ташкил этди. Бу эса 2019 йилнинг 5 сентябридан бери қайд этилган энг юқори кўрсаткичдир.
Изоҳ (0)