Ўзбекистонлик ҳужумчи Элдор Шомуродов «Ростов»ни тарк этиши мумкин.
«Спорт-Экспресс» нашрининг хабар қилишича, «Ростов»га немис клубларининг биридан сўров тушган. Германия клуби Шомуродов трансфери учун оғзаки равишда 15 миллион евро таклиф қилган.
Ростовликлар Элдорни қишки трансфер мавсумида қўйиб юбориш истагида эмас, бироқ молиявий томондан яхши таклиф тушган тақдирда клуб ўз қарорини ўзгартиришга тайёр.
Аввалроқ «Штутгарт» Шомуродовни қўлга киритиш учун 10 миллион евро таклиф қилгани, шунингдек, Москванинг ЦСКА жамоаси ҳам шу миқдордаги пулни беришга тайёрлиги хабар қилинганди.
Шомуродов 2017 йилнинг ёзида 300 минг евро эвазига «Бунёдкор»дан «Ростов»га ўтганди. Ушбу мавсум футболчи «сариқ-кўклар» сафида 21 ўйин ўтказиб, ўнта гол урди ва олтита самарали узатма амалга оширишга муваффақ бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)