«Челси» 2018/19 йилги мавсумни салкам 100 млн фунт зарар билан ёпди

Лондоннинг «Челси» клуби 2018/19 йилги мавсум молиявий ҳисоботларини тақдим этди.

Мавсум давомида лондонликларнинг даромади 446,7 миллион фунтни ташкил қилган (бир йил аввалгиси 443,4 миллионга тенг эди).

Бироқ кетма-кет икки йилни фойда билан якунлаган «Челси» бу галги мавсумни 96,6 миллион фунтлик зарар билан ёпди.

Бунга трансферлар ва мураббий алмаштиришга кетган харажатлар, шунингдек, клубнинг Европа Чемпионлар Лигасида қатнашмагани сабаб бўлган. Бироқ «Челси» молиявий фейр-плей қоидаларини бузмаган.

«Челси» мавсум давомида асосий жамоани кучайтириш учун рекорд даражада кўп (280,6 миллион фунт) пул сарфлади.  Жамоага Кепа Аррисабалага, Кристиан Пулишич, Матео Ковачич ва Жоржиньо каби янги футболчилар олиб келинди.

Hyundai, Vitality Health, MSC Cruises, Unilever, Beats by Dre i Millennium & Copthorne Hotels каби компаниялар билан ҳамкорлик шартномалари тузилгач «кўклар»нинг даромади 14,5 миллион фунтга ўсди.

«Челси»нинг трансляциялардан оладиган даромади ҳам камайган. Клуб Чемпионлар Лигасида эмас, балки Европа Лигасида ҳаракат қилгани боис ўйин куни 7,3 миллион эмас, 3,9 миллион фунт даромад қилган.