Эрон Ислом инқилоби муҳофизлари корпуси (ИИМК)нинг «Ал-Қудс» махсус бўлинмаси қўмондони Қосим Сулаймонийнинг ўлдириши ҳақидаги хабарлар фонида Brent маркасидаги нефть нархи 68 доллардан ошди. Эронлик генерал АҚШ авиазарбаси оқибатида ҳалок бўлган эди.
Қитъалараро биржадаги савдоларнинг Тошкент вақти билан 8:50 даги ҳолатига кўра, Brent маркасидаги нефть қоришмасининг март ойи учун фючерслари нархи 3,15 фоизга ўсиб, 68,15 долларга етган. WTI нефтининг февраль ойи фючерслари 2,8 фоизга ўсиб, 62,83 долларга етган. Савдолар бошланган чоғда WTI нефтининг нархи бир баррел учун 63,81 долларгача кўтарилган эди.
АҚШ 3 январга ўтар кечаси Бағдод халқаро аэропортига авиазарба берган. Ҳодиса оқибатида саккиз киши ҳалок бўлган. Авиазарба АҚШ президенти Дональд Трампнинг фармойишига асосан берилгани айтилмоқда. Пентагоннинг таъкидлашича, ўлдирилган генерал Сулаймоний америкалик дипломатларга ҳужум уюштиришга тайёргарлик кўраётган бўлган.
Изоҳ (0)