Суданда Ан-12 ҳарбий-транспорт самолётининг қулаши оқибатида 18 киши, жумладан, тўрт нафар бола ҳалок бўлди. Бу ҳақда Судан армияси вакилига асосланиб, Agence France-Presse хабар бермоқда.
Армия вакилининг сўзларига кўра, самолёт бортида экипажнинг етти нафар аъзоси ва 11 нафар йўловчи бўлган.
Авиаҳалокат 2 январь оқшомида Ғарбий Дарфур вилоятида юз берган. Самолёт ҳавога кўтарилганидан беш дақиқа ўтиб қулаган.
Хабар беришларича, самолёт Судандаги намойишлар вақтида жабрланган аҳолига инсонпарварлик ёрдамини олиб кетаётган эди. Ҳодиса сабабларини аниқлаш мақсадида текширув ишлари бошланган.
Изоҳ (0)