Таниқли иқтисодиётчи Беҳзод Ҳошимов Лазизбек Ҳамидовнинг «Улар» лойиҳасига берган интервьюсида Ўзбекистон 1992 йилда Хитойдан яхшироқ кўрсаткичга эга бўлгани ҳолда, орадан 28 йил ўтиб Хитой ва Қозоғистондан тўрт карра қашшоқроқ эканига нотўғри қарорларнинг кўплиги сабаб бўлганини таъкидлади.
Ўтган 28 йилда тўғри қарорлар ҳам бўлган — тўғри қарорлар бўлмаган, дейиш хато бўларди. Лекин иқтисодиётга ҳозирги кун нуқтаи назаридан келиб чиқиб қарайдиган бўлсак, мен бир нарсани кўп такрорлайман — Ўзбекистонда 1992 йилда киши бошига ялпи ички маҳсулот улуши 600 доллар бўлган, Хитойда эса ўша вақтда бу кўрсаткич 300 доллар бўлган. Хитойда ҳозир бу кўрсаткич 8000 доллар, бизда эса 1500. Тушуняпсизми?!Биз Хитойдан тахминан икки баробар бойроқ эдик, лекин 28 йил ичида биз улардан тўрт баробарга камбағалроқ бўлиб қолдик. 1992 йилда Қозоғистондан атиги 50 фоизга камбағалроқ эдик, ҳозир эса 4 баробарга камбағалроқмиз. Яъни, бизнинг бошланиш даражамиз ниҳоятда баланд бўлган ва хоҳлайсизми-йўқми, ҳозир жуда ҳам ёмон бир даражага келиб қолдик. Масалан, ҳозир жаҳондаги энг камбағал 40 мамлакатдан биримиз.
Мана шу нарса Ўзбекистонда ўтган 28 йилда ёмон қарорлар бўлганидан тасдиқламаса, бошқа яна нима бундан дарак беришини билмайман. Талай ёмон қарорлар бўлган, албатта.
Беҳзод Ҳошимов, иқтисодиётчи
Изоҳ (0)