Facebook ижтимоий тармоғида «Отабек Нуритдинов» тахаллуси билан воқеа-ҳодисаларга ўз муносабатини билдириб келган фуқаро Абдуфатто Нуритдинов 15 сутка маъмурий қамоқ билан жазолангани ҳақида хабар берилган эди.
Ахборот ва оммавий коммуникациялар агентлиги директори Комил Алламжонов ушбу ҳолатга муносабат билдирди.
«Бизнинг агентлик фуқаро Абдуфатто Нуритдинов билан боғлиқ суд қарорига таъсир кўрсатишга ҳақли эмас. Айбдор томон суд қароридан норози бўлса, кассация тартибида юқори турувчи суд инстанциясига мурожаат қилиши мумкин.Ушбу ҳолат туҳмат ва ҳақорат учун озодликдан маҳрум этиш нормасини тезроқ бекор қилишни тақозо қилади», — деб ёзади Алламжонов.
Воқеа юзасидан Андижон вилояти ҳокимлиги матбуот хизмати видео баёнот берган, 30 декабрь куни эса ушбу иш юзасидан Андижон вилояти маъмурий судининг очиқ суд мажлиси бўлиб ўтганди.
Олий Мажлис Қонунчилик палатаси депутати Расул Кушербаев блогер Отабек Нуриддинов иши ва Андижон вилояти ҳокимилиги матбуот хизмати баёноти бўйича муносабат билдирди.
Изоҳ (0)