Жорий йил 24 декабрь куни Миробод тумани «Темирйўлчилар» маҳалласи ҳудудида Тошкент шаҳар ИИББ ЙҲХБ, «Авто Плюс Тараққиёт» компанияси ходимлари ҳамда Сирғали тумани 12-сонли автобус саройи раҳбарияти иштирокида «Темирйўлчилар» маҳалласида истиқомат қилувчи фуқаролар билан сайёр йиғилиш бўлиб ўтган эди. Бу ҳақда ИИББ матбуот хизмати хабар бермоқда.
Ўтказилган йиғилишда мутасадди ташкилот вакиллари томонидан аҳоли ўртасида уларни қийнаб келаётган муаммолар атрофлича ўрганилганда бир неча йилдан бери Миробод деҳқон бозорига қатнов учун жамоат транспорти йўлга қўйилмаганлиги, бу эса аҳолига қийинчилик туғдираётганлиги маълум бўлган.
Шундан сўнг фуқароларга қулайлик яратиш, уларнинг узоғини яқин қилиш мақсадида бошқармаси Тошкент шаҳар йўл ҳаракати хавфсизлиги бошқармаси, Миробод тумани ҳокимлиги, Тошкент шаҳар транспорт бошқармаси билан ҳамкорликда «Темирйўлчилар» маҳалласи ҳудудидан 12-сонли автобус саройига тегишли «40-А» йўналишли автобус йўналишига ўзгартириш киритилди.
«Авто Плюс Тараққиёт» компанияси томонидан «164-м» сонли йўналиши бўйича янги русумдаги 10 та йўловчи ташувчи «Газел» микроавтобуслари қатнови режалаштирилган. Ҳозирги кунда автобус «Миробод деҳқон бозори»дан Нукус, Авлиёота кўчалари орқали ҳаракатланмоқда.
Изоҳ (0)