Россия пойтахти Москва шаҳридаги Қизил майдонда икки нафар эркакнинг намоз ўқишга урингани акс этган видео интернет тармоқларида тарқалди. Бу ҳақда «Мослента» хабар берди.
Видеода полиция ходимининг икки нафар эркакка яқинлашиб келганини кўриш мумкин. Эркакларнинг бири шу вақтда тиз чўкиб намоз ўқиётган эди, иккинчиси эса унинг ёнида тик турган. Қисқа суҳбатдан сўнг уларнинг олдига яна бир полициячи келган. Улар орасидаги суҳбатда айнан нима ҳақида гап кетгани номаълум.
Қайд этилишича, айни пайтда Москвада 3—4 миллион мусулмон яшайди.
Изоҳ (0)