Британиянинг бутун дунёдаги дипломатлари машиналарини электромобилларга ўзгартиради

Британиянинг бутун дунёдаги дипломатлари атроф-муҳитни ҳимоя қилиш мақсадида электромобилларга ўтиш ниятида, деб хабар бермоқда «ТАСС».

Буюк Британия ТИВда 26 декабрь куни маълум қилинишича, автопаркни алмаштириш дипломатик хизматни дунёда энг экологик тоза хизматга айлантириш дастурининг бир қисмидир.

Jaguar I-Pace электр кроссоверлари Буюк Британиянинг дунё бўйлаб — Монреаль ва Рио-де-Женейродан тортиб Европа давлатлари пойтахти, Абу-Даби ва Сиднейгача жойлашган умумий ҳисобда 30 та дипломатик ваколатхоналарига юборилади. Электромашиналар етказиладиган шаҳарлар тезкор қувватлантириш жойлари билан ҳам жиҳозланади.

Эълон қилган режага кўра, Буюк Британия ТИВ 2022 йилга келиб ўз автопаркидаги машиналарнинг 25 фоизини карбонад ангидрид ишлаб чиқармайдиган автомобиллар ташкил этади, 2030 йилга келиб эса бу кўрсаткич 100 фоизга етказиш кўзланган.

Бундан ташқари, Буюк Британия ТИВ ўз дипломатик ваколатхоналари томларига қуёш панелларини ўрнатишни, шунингдек, пластик стаканлардан фойдаланишни бутунлай тўхтатишни режалаштирмоқда.