Туркманистонда биринчи президент Сапармурат Ниёзовнинг вафоти кунида хотира маросимлари ўтказилишига қатъий чекловлар жорий қилинди. Бу ҳақда 23 декабрь куни ўз манбаларига таяниб «Хроника Туркменистана» хабар берди.
Қайд этилишича, 19 декабрь куни Ашхободда президент аппарати, бош вазир ўринбосарлари, Мажлис (Парламент) раиси ва бошқа бир қатор расмийлар иштирокида ёпиқ йиғилиш бўлиб ўтган. Унда 21 декабрь — Сапармурат Ниёзовнинг вафоти кунида фақат Ахшободдаги ёдгорликка гуллар қўйиш маросимини ўтказишга қарор қилинган.
Йиғилишдан сўнг Миллий хавфсизлик кенгашининг ҳудудий бошқармалари ҳокимликлар ва Халқ маслаҳати аъзолари, Парламент депутатлари ва йирик корхона раҳбарларини 21 декабрь куни маҳаллий даражада хотирлаш маросимлари ўтказилмаслиги тўғрисида хабардор қилган.
Илгари Сапармурат Ниёзовнинг вафоти кунида хотирлаш маросимларини мамлакатнинг исталган ҳудудида корхона раҳбарлари, шу жумладан нодавлат ташкилотлари ташкил қилиши мумкин бўлган.
Изоҳ (0)