«Ўзбекистон темир йўллари» АЖ янги метро бекатларининг 28 декабрда фойдаланишга топширилмаслигини билдирди

«Ўзбекистон темир йўллари» АЖ Ахборот-таҳлил медиа-маркази Тошкент шаҳридаги Сергели метро йўналишидаги қурилиш ишлари ва Юнусобод йўли қурилишининг иккинчи босқичи давом этаётгани, объектлар лойиҳаси амалга ошириш режаси, қурилиш нормалари ва техник талаблар асосида фойдаланишга топширилишини, шунингдек, айрим оммавий ахборот воситалари хабар берганидек 28 декабрда очилмаслигини маълум қилди.

Хабарга кўра, қурилиш ишлари кетаётган ҳудудларда қурилиш техникаларининг кўпайиши, ёғингарчиликсиз, ҳаво очиқ бўлган кунларда ишни тўғри ташкил этиш билан боғлиқ.

Эслатиб ўтамиз, 19 декабрь, пайшанба куни Юнусобод йўлининг Туркистон бекати қурилаётган ҳудудда ер ўпирилиши юз берган, бир неча киши тупроқ остида қолиб кетгани тахмин қилинган. Кейинчалик, Соғлиқни сақлаш ва фавқулодда вазиятлар вазирликлари авария юзасидан қўшимча маълумот бериб, талафот кўрганлар ва жабрланганлар юзасидан аниқлик киритилаётгани ҳамда содир бўлган ҳолатнинг сабаблари ўрганилаётганини билдирган. Вазирлар Маҳкамасининг фармойиши билан Тошкент метрополитени Юнусобод йўналишининг қурилаётган қисмида содир бўлган ҳодиса сабаблари ва оқибатларини ўрганиш ҳамда зудлик билан бартараф қилиш бўйича ҳукумат комиссияси тузилган. Қидирув-қутқарув ишлари давомида жами 6 нафар қурувчининг жасади туннел остидан олиб чиқилган, ҳалок бўлганларнинг оилаларига 100 миллион сўмдан компенсация тўлаб берилган.