Ўзбекистонда блокланган Buzzfeed, Lurkmore, Wordpress ва бошқа бир қатор сайтлар ишга туширилди, деб хабар беради Spot.
Жорий йилнинг май ойида Ўзбекистонда бир қатор сайтлар блокдан чиқарилган эди. Улар орасидан Voice of Amerika, BBC Uzbek, Deutsche Welle, Reporters sans frontiers, Eurasianet, AsiaTerra, «Fergana.ru» ва бошқа қатор сайлар ўрин олган.
Шунга қарамай айрим сайтлар ҳамон блокланганича қолмоқда эди. Улар орасида SoundCloud мусиқий онлайн-платформаси, Web Archive интернет архиви, Lurkmore норасмий интернет-энциклопедияси ва ҳоказолар бор.
Блогер ва дизайнер Азамат Шамузафаров бу борада АОКАга муражаат қилиб, декабрь ойининг бошларида жавоб олганди. Унда ушбу сайтлар нима сабабдан блокланганига қатор сабаблар келтирилган (асосан ахборот хавфсизлиги).
Шунга қарамай SoundCloud ва Web Archive каби кўплаб сайтлар Ўзбекистонда очила бошлади, декабрь ойининг ўрталарида эса Lurkmore, Buzzfeed ва бошқа сайтлар ҳам кириш мумкин бўлиб қолди.
Аввалроқ Ўзбекистонда бўлиб турган The Diplomat халқаро онлайн журналининг муҳаррири Кети Путс ўзининг Twitter’даги саҳифаси орқали хориждаги инсон ҳуқуқларини ҳимоя қилиш билан шуғулланадиган ташкилотларнинг сайтларига кира олмаётганини ёзиб қолдирганди. Human Rights Watch ташкилотининг собиқ вакили, Марказий Осиёда инсон ҳуқуқлари бўйича адвокат ва эксперт Стив Свердлов Ўзбекистонда кескин ҳуқуқ ҳимоячиларининг веб-ресурсларига кириш чекланганини маълум қилган.
Изоҳ (0)