Бухоро шаҳрининг Маҳтумқули кўчасидаги уйда содир бўлган ёнғин оқибатида уй эгасининг 5 ёшли қиз набирасини куйган ҳолдаги жасади топилди. Бу ҳақда Давлат ёнғин хавфсизлиги хизмати хабар берди.
Маълумотларга кўра 23 декабрь куни соат 00:48 дақиқа ўтганда ушбу уйда ёнғин бўлаётганлиги ҳақида ёнғин-қутқарув қисмига хабар келиб тушган.
Воқеа жойига 2 та ёнғин ўчириш бўлинмалари жалб этилган. Бўлинмалар чақирилган манзилга 9 дақиқада етиб борган. Кўрилган тезкор ҳаракатлар натижасида ёнғин соат 01:05 да қуршаб олинган ва соат 02:15 да тўлиқ бартараф этилган. Ёнғин оқибатида яшаш уйининг 45 квадрат метр майдонда томи, шифти ва ички жиҳозлари ёниб зарарланган. Сақлаб қолинган майдони 150 квадрат метр.
«Ачинарлиси, ёнғинни ўчириш вақтида уй эгасининг 2014 йилда туғилган қиз набирасини куйган ҳолдаги жасади топилган», — дейилади хабарда.
Мавзуга доир: Фарғонада юз берган ёнғинда 16 ёшли ўсмир ҳалок бўлди
Изоҳ (0)