Ўзбекистон «Миллий тикланиш» партиясининг такрорий овоз бериш жараёни ўтказиладиган 22 та сайлов округидан умид катта. Партия етакчиси Алишер Қодиров «Дарё» мухбири Мусулмонбек Иброҳимовга берган интервьюсида партиянинги иккинчи турга ўтган 15 нафар номзоди ғалаба қозонишига ишонч билдирди.
ЎзЛиДеП 43 та ўринни олди, биз 35 та ўринга эга чиқдик — 8 та ўрин фарқ қиляпти. Агар такрорий овоз беришда ЎзЛиДеП бирорта овоз олмаса-ю, биз тахминан 10 талар ўринни олсак, биринчи ўринга чиқишимиз мумкин.22 декабрь куни бўлиб ўтган парламент сайловининг дастлабки натижаларига кўра, Олий Мажлис Қонунчилик палатасига ЎзЛиДеПдан 43 нафар, «Миллий тикланиш» партиясидан 35 нафар, «Адолат» партиясидан 21 нафар, Халқ демократик партиясидан 18 нафар ва Экологик партиядан 11 нафар депутат сайланди.Такрорий овоз бериш жараёни ўтказиладиган 22 та округнинг 15 тасида «Миллий тикланиш» партияси номзодлари иккинчи турга ўтган. ЎзЛиДеПдан айнан қанча номзод иккинчи турга ўтганини аниқ билмайман, бизда эса ҳали 15 та имконият бор — уларнинг бари иккинчи турда ғалаба қозонишига ишончим комил.
Алишер Қодиров, «Миллий тикланиш» партияси етакчиси
Изоҳ (0)