Ташқи ишлар вазирининг биринчи ўринбосари Илҳом Неъматов Ўзбекистонга Қонунчилик палатаси ва маҳаллий кенгашларга бўладиган сайловда халқаро кузатувчи сифатида иштирок этиш учун келган Халқаро хусусий ҳуқуқ бўйича Гаага конференцияси бош котиби Кристоф Бернаскони билан учрашди. Бу ҳақда ТИВ матбуот хизмати хабар берди.
Учрашув чоғида Кристоф Бернасконига мамлакатнинг янги ташқи сиёсати, сайлов жараёнини демократлаштириш учун Ўзбекистонда жорий қилинган янгиликлар, жумладан, хорижда Ўзбекистон фуқароларининг яшаш жойларида муддатидан олдин овоз беришни ташкиллаштириш, сайловда кузатувчиларнинг ролини ошириш тўғрисида батафсил маълумот берилди.
Мамлакатнинг Халқаро хусусий ҳуқуқ бўйича Гаага конференциясига аъзо бўлиши ва Ўзбекистоннинг мазкур ташкилот доирасида қабул қилинган конвенсияларда иштирок этиши истиқболлари билан боғлиқ масалалар ҳам муҳокама қилинди.
Изоҳ (0)