Ўзбекистонда хизматчилар таснифига янги лавозимлар киритилди

Ўзбекистонда хизматчиларнинг асосий лавозимлари ва ишчилар касблари классификатори кенгайтирилди. Бу ҳақда Norma хабар бермоқда.

Хизматчиларнинг асосий лавозимлари таснифига қўшимчалар киритилди. Натижада умумий рўйхатда лавозимлар сони анча ортди:

• Давлат хизматчиларига — Президент Администрацияси, Хавфсизлик кенгаши ходимлари, омбудсман ва бизнес-омбудсман девони, Олий Мажлис палаталари, Вазирлар Маҳкамаси, Инсон ҳуқуқлари бўйича миллий марказ, Президент ҳузуридаги Стратегик ва минтақалараро тадқиқотлар институти ҳамда бошқа давлат тузилмалари ходимлари лавозимлари киритилди;
• Иқтисодиётнинг турли тармоқларидаги бошқарув ходимлари ва мутахассисларига — экскурсиялар бюроси бошлиғи, маданият ва истироҳат боғлари, чакана савдо корхоналари, мижозлар билан ишлаш корхоналари, меҳмонхоналар директорлари (мудирлари), меҳмонхона хўжалигида зал, участка мудири, режаловчи иқтисодчи, директор ёрдамчиси, маслаҳатчиси, сейсмолог, техник-сейсмолог ва бошқалар;
• диний ташкилотлар тингловчиларига — катехизатор, протодиакон, уставчи ва бошқалар қайд этилди.